Mësues/e: Si të planifikoni një aktivitet (Manualisht ose me AI)

Në këtë manual do të mësoni si të shtoni një aktivitet në agjendën tuaj në kidsday, duke e bërë planifikimin e ditës më të thjeshtë dhe më të strukturuar. Ky funksion është i rëndësishëm sepse u mundëson mësuesve të regjistrojnë aktivitetet në mënyrë të detajuar, menjëherë, dhe të ndajnë qartë qëllimet, materialet dhe hapat e aktivitetit. Për më tepër, tani mund të përdorni AI për të gjeneruar ide për aktivitetet, diçka që më parë nuk ishte e mundur.

Hapat për shtimin e aktivitetit

1. Hyrja në aplikacion

• Hyni në aplikacion me kredencialet tuaja të mësuesit.

• Nga menuja kryesore, klikoni Agjenda.

2. Shtimi i aktivitetit manualisht

• Klikoni Shto Manualisht.

• Plotësoni të dhënat e aktivitetit:

• Emri i aktivitetit: P.sh., Njohja me shkronjen A. Ky emër përfaqëson temën kryesore të aktivitetit.

• Përshkrimi i aktivitetit: P.sh., Sot do të njoftohemi me shkronjen A. Fillimisht do të gjejmë fjalë dhe objekte që fillojnë me shkronjën A dhe mund të përdorim materialet e nevojshme.

• Hapat për tu ndjekur: P.sh., Do të ngjyrosim shkronjën A në letrën A4 me arra.

Ky seksion ju ndihmon të planifikoni qartë se si do të realizohet aktiviteti dhe ju lejon të ndani metodologjinë me fëmijët dhe kolegët tuaj.

3. Gjenerimi i aktivitetit me AI

• Nëse dëshironi, mund të përdorni funksionin Gjenero me AI, i cili krijon një plan aktiviteti bazuar në temën që ju zgjidhni.

• AI mund të sugjerojë hapat, materialet dhe aktivitetet dytësore për të bërë mësimin më të efektshëm dhe më kreativ.

4. Përfundimi i shtimit të aktivitetit

• Pas plotësimit të të dhënave, klikoni Ruaj.

• Aktiviteti tani është i regjistruar në agjendën tuaj dhe mund të aksesohet nga çdo pajisje dhe ndahen me fëmijët ose kolegët.

E rëndësishme:

• Nëse administratori ju ka dhënë qasje për të shtuar aktivitete, ato krijohen automatikisht në agjendë.

• Nëse nuk keni qasje të drejtpërdrejtë, aktiviteti dërgohet për miratim tek administratori përpara se të publikohet.

Ky funksion i ri sjell më shumë fleksibilitet dhe efikasitet në planifikimin e aktiviteteve, duke u dhënë mësuesve mundësinë të shtojnë kreativitet dhe përgatitje të detajuar në çdo moment të ditës.