Si të përdorni Mesazhet në Kidsday

Ky udhëzues ju ndihmon të përdorni lehtësisht opsionin e ristrukturuar të mesazheve për të filluar bisedat me prindërit, stafin apo grupet e klasave.

Hapi 1: Qasje tek mesazhet

Në anën e majtë të menysë kryesore të aplikacionit, gjeni dhe klikoni mbi opsionin "Mesazhet".

Hapi 2: Fillimi i një bisede të re

Pasi të hapet dritarja e mesazheve, klikoni mbi butonin "Shkruaj" (ose ikonën përkatëse të lapsit) për të nisur një bisedë të re.

Hapi 3: Zgjedhja e bashkëbiseduesit ose grupit

Tani keni disa mundësi për të zgjedhur se me kë dëshironi të komunikoni:

• Bisedë individuale me prindërit: Klikoni te hapësira e kërkimit dhe shkruani emrin e fëmijës. Sistemi do t'ju shfaqë automatikisht prindërit e lidhur me atë fëmijë.

• Bisedë individuale me kolegët: Kërkoni direkt me emër personin që dëshironi nga stafi i kopshtit/shkollës.

• Bisedë në grup me klasën: Tani mund të krijoni një grup bisede ose të zgjidhni komplet klasën për të komunikuar me të gjithë prindërit e asaj klase në mënyrë të njëkohshme.

Këshillë: Pasi të keni përzgjedhur personin ose grupin, thjesht shkruani mesazhin tuaj ose mbani shtypur ikonën e mikrofonit për të dërguar një mesazh me zë (audio).

⚠️ E rëndësishme: Menaxhimi i mesazheve dhe privatësia

Për të pasur një kontroll të plotë mbi komunikimin, mos harroni të vizitoni seksionin Konfigurimet. Aty ju mund të:

1. Menaxhoni oraret e mesazheve: Përcaktoni kohën se kur jeni të disponueshëm për të pranuar mesazhe.

2. Përcaktoni lejet: Vendosni se kush ka të drejtë të dërgojë mesazhe (p.sh. vetëm stafi, prindërit e një klase specifike, etj.).