Si të raportoni për ndonjë incident në kidsday?

Dokumentimi i incidenteve është një pjesë thelbësore e krijimit të një mjedisi të sigurt dhe të përgjegjshëm në çerdhe apo kopësht. Përveç momenteve të këndshme dhe lojës, në jetën e përditshme të një institucioni parashkollor ndodhin edhe situata të papritura. Në raste të tilla, është e rëndësishme që edukatorët të kenë një mënyrë të qartë dhe profesionale për të dokumentuar çfarë ka ndodhur.

Raportimi i një incidenti mund të përfshijë:

• Situata të ndodhura gjatë ditës në institucion, si lëndime të vogla apo përplasje aksidentale mes fëmijëve;

• Ose raste kur edukatorja vëren një shenjë apo gërvishtje te fëmija që në mëngjes, kur ai vjen nga shtëpia.

Në të dyja rastet, edukatorja ka mundësinë të regjistrojë detajet e ngjarjes, të vendosë kohën dhe datën e vërejtjes dhe të njoftojë menjëherë prindin. Kjo jo vetëm që siguron një mënyrë profesionale të menaxhimit të situatave, por gjithashtu ndihmon në:

• Informimin në kohë të prindërve për çdo ndodhi që ka prekur fëmijën e tyre,

• Mbajtjen e një komunikimi të qartë dhe të besueshëm ndërmjet stafit dhe familjeve,

• Ruajtjen e një historiku për qëllime sigurie dhe rishikimi në të ardhmen.

Hapat për të raportuar një incident në kidsday:

1. Kyçuni në aplikacion me kredencialet tuaja si edukator/e.

2. Nga lista e fëmijëve të klasës, klikoni mbi opsionin “Shto + aktivitet” për të filluar raportimin.

3. Zgjidhni kategorinë “Shëndeti”.

4. Brenda kësaj kategorie, do të jetë e përzgjedhur automatikisht fusha “Incident”.

5. Përshkrimi i incidentit:

• • Shkruani detajet e incidentit. Filloni duke përshkruar nëse ngjarja është vërejtur sapo fëmija ka mbërritur në çerdhe/klasë apo ndodhi gjatë ditës.

  • Caktoni orën dhe datën kur është vërejtur incidenti.

6. Do të shfaqet një figurë e trupit të fëmijës:

• • Klikoni mbi pjesën e trupit ku fëmija është dëmtuar – ajo pjesë do të hijezohet me ngjyrë të kuqe.

  • Në fushën e përshkrimit mund të jepni detaje të mëtejshme për lëndimin dhe situatën.

7. Klikoni “Përfundo” që informacioni të regjistrohet dhe të jetë i aksesueshëm për administratorët dhe prindërit.