Si të personalizoni formularin e regjistrimit për kopshtin tuaj

Platforma kidsday ju lejon të krijoni dhe ndryshoni formularin e regjistrimit për fëmijët dhe prindërit, në mënyrë që të mblidhni saktësisht informacionet që i duhen institucionit tuaj.

Ndiqni hapat e thjeshtë më poshtë për të ndërtuar formularin tuaj ideal:

Hapi 1: Navigoni te Regjistrimet

Në menynë kryesore në anën e majtë të aplikacionit tuaj, klikoni mbi opsionin Regjistrimet.

Hapi 2: Hapni panelin e konfigurimit

Pasi të jeni në atë modul, klikoni mbi butonin Personalizo Formularin për të kaluar tek ndërtuesi i formularit.

Hapi 3: Menaxhoni fushat e gatshme dhe ato shtesë

Sapo të hapet faqja e re, do të shihni një formular të rekomanduar nga ne. Kemi përgatitur paraprakisht disa fusha bazë të gatshme (si Emri, Mbiemri, Ditëlindja, Gjinia, etj.) që i kemi parë si më të rëndësishmet për ju.

• Shtimi i fushave të reja: Në anën e majtë të ekranit (nën pjesën "Llojet e fushave"), do të gjeni një listë me opsione shtesë si Kombësia, Adresa, Gjuha e familjes, etj. Mjafton t'i bartni (drag & drop) apo t'i klikoni ato për t'i shtuar në formularin tuaj.

• Përshtatja: Mund t'i lëvizni fushat sipas radhës që dëshironi ose të shtoni seksione të reja përmes butonit "Shto seksion".

💡 Këshillë: Pasi të keni përfunduar të gjitha ndryshimet dhe të jeni të kënaqur me pamjen e formularit, mos harroni të klikoni butonin Ruaj në këndin e djathtë poshtë që ndryshimet të bëhen aktive!