Si man sich auf die Eröffnung und Lizenzierung eines Kindergartens oder einer Kindertagesstätte vorbereiten kann.

Hapja e një çerdheje apo kopshti është një hap i rëndësishëm dhe me përgjegjësi të lartë, pasi lidhet drejtpërdrejt me mirqenien, sigurinë dhe zhvillimin e fëmijëve. Për këtë arsye, procesi i licencimit kërkon përgatitje të kujdesshme, dokumentacion të plotë dhe përmbushje të standardeve ligjore e profesionale të përcaktuara nga institucionet përkate.

Përgatitja e hershme është çelëse. Para se të dorëzoni kërkesën për licencim, është e rëndësishme të analizoni çdo detaj: nga objekti dhe infrastruktura, te stafi profesional, programet edukative dhe aspektet administrative. Një qasje e strukturuar jo vetëm që e lehtëson procesin e licencimit, por krijon edhe themele të shëndosha për funksionimin afatgjatë të institucionit tuaj.

Më poshtë gjeni një listë të detajuar të dokumenteve dhe hapave të nevojshëm për licencimin e Institucioneve të Edukimit dhe Arsimit Parashkollor Privat (IEAPP)

Dokumentet dhe kriteret e nevojshme për licencim

1. Dokumentacioni bazë administrativ

• Kërkesa zyrtare për licencim;

• Certifikata e regjistrimit të biznesit nga organi kompetent;

• Dëshmia për pronësinë ose kontrata e qirasë së objektit;

• Vendi, adresa, numri i telefonit dhe email-adresa e IEAPP-së;

• Statuti për qeverisje;

• Rregullorja për rendin shtëpiak;

• Kodi i mirësjelljes i IEAPP-së;

• Forma e kontratës ndërmjet IEAPP-së dhe prindit apo kujdestarit të fëmijës;

• Vërtetimi nga organi kompetent që parashtruesi i kërkesës nuk është ndjekur penalisht.

2. Dokumentacioni organizativ dhe zhvillimor

• Struktura organizative e IEAPP-së (organogrami);

• Plani zhvillimor i IEAPP-së për periudhën trevjecare;

• Plani i biznesit i IEAPP-së për së paku 3 vjet;

• Numri i edukatoreve sipas numrit të grupeve të fëmijëve të planifikuar për një vit shkollor;

• Shuma mujore e pagesës për fëmijë;

• Lista e kuadrit me kualifikime në përputhje me legjislacionin në fuqi për edukimin parashkollor;

• Diplomat dhe certifikatat e verifikuara të stafit;

• IEAPP duhet të ketë të angazhuar së paku një pedagog ose psikolog.

3. Programet edukative

• Certifikata për vijueshmërinë e edukimit parafillor;

• Planprogramet e MASHT-it;

• Programet edukative sipas grupeve, të përcaktuara me Ligjin për Edukimin Parashkollor;

• Plani dhe programi vjetor i punës së IEAPP-së sipas standardeve të MASHT-it;

• Përfshirja e fëmijëve në grupe edukative sipas grup-moshave, e rregulluar sipas akteve nënligjore në fuqi.

4. Kushtet infrastrukturore dhe teknike

• Objektet edukativ-arsimore duhet të kenë etazhitet maksimal P+1 (përdhesë dhe një kat);

• Projekti ideor i objektit – faza e arkitekturës;

• Vërtetimi mbi plotësimin e kushteve higjieno-sanitare;

• Vërtetimi mbi sigurinë nga zjarri.

5. Siguria dhe shëndeti

• Për vërtetimin e kushteve higjieno-sanitare: stafi duhet të pajiset me librezë sanitare (kontroll në IPKShP – strisho hundë, fyt dhe analiza të fecesit);

• Kërkesa për verifikim dorëzohet në AVUK, ku inspektorët dalin në terren për të vlerësuar nëse objekti i përmbush kriteret;

• Për sigurinë nga zjarri: së paku dy anëtarë të stafit duhet të pajisen me certifikata kundër zjarrit; kërkesa dorëzohet në komunë dhe më pas realizohet inspektimi në objekt.

6. Garancioni financiar

• Garancioni bankar në vlerë 10% të të hyrave të planifikuara vjetore, i cili dorëzohet në MASHT me rastin e licencimit ose përtejtes së licencës.

Pasi të sigurohen dy vendimet kryesore:

1. Vërtetimi për plotësimin e kushteve higjieno-sanitare;

2. Vërtetimi për sigurinë nga zjarri;

Të gjithë dokumentet e tjera dorëzohen në MASHT për shqyrtim. Duhet theksuar se dokumentacioni i pakompletuar nuk shqyrtohet, prandaj është themelzore që dosja të jetë e plotë dhe e rregullt.

Procesi i licencimit kërkon kohë, përkushtim dhe organizim të mirë. Duke u përgatitur në mënyrë profesionale dhe duke respektuar të gjitha kriteret ligjore, ju jo vetëm që e përshpejtoni procesin e licencimit, por krijoni një institucion të sigurt, cilësor dhe të besueshëm për fëmijët dhe prindërit. Një fillim i mirë është baza e suksesit afatgjatë në edukimin parashkollor.